YANGA Vs KAGERA SUGAR KESHO

Wachezaji wa Young Africans Saports Club   

Timu ya Young Africans ambayo inaongoza msimamo wa Ligu Kuu ya Vodacom nchini VPL kwa kuwa na point 39 kesho itashuka dimbani kupamabana na timu ya Kagera Sugar kutoka mjini Bukoba, mchezo utakaofanyika katika Uwanja wa Taifa jijini Dar es salaam majira ya saa 10 jioni.

Kikosi cha mholanzi Ernest Brandts kimefanya mazoezi ya asubuhi katika uwanja wa mabatini kijitonyma ikiwa ni mazoezi ya mwisho kabla ya mchezo huo ambao utafanyika kesho katika Uwanja wa Taifa kuanzia majira ya saa 10:00 jioni kwa saa za Afrika Mashariki.

Baada ya kuichapa Azam FC kwa bao 1-0 katika mchezo uliofanyika mwishoni mwa juma na kuendelea kujikita kileleni mwa msimamo wa Ligi Kuu ya Vodacom, Young Africans itashuka dimbani kuhakikisha inaibuka na pointi 3 muhimu ili kuendelea kuongoza msimamo huo wa VPL.

Mara baada ya mazoezi kocha Brandts amesema kikosi chake kipo katika hali nzuri kuelekea mchezo huo wa kesho, na hakuna mchezaji aliye majeruhi , hivyo wachezaji wake wote wapo tayari kabisa kuwakabili wakata miwa wa Kagera Sugar na kuhakikisha wanaibuka na pointi 3 muhimu.

Aidha wapenzi, washabiki na wanachama wa klabu ya Yanga mnaombwa kujitokeza kwa wingi katika mchezo wa kesho, kuja kuwapa sapoti wachezaji, kuwashangilia tangu mwanzo wa mchezo mpaka mwisho wa mchezo, kwani mashabikinni sialaha kubwa katika kuisaidia timu kuweza kufanya vizuri.

Kuelekea mchezo wa kesho, timu imendelea kuwa kambini katika Hoteli ya Tansoma ambapo iliingia tangu jana asubuhi mara baada ya mazoezi na itaendelea kuwa hapo mpaka siku ya mchezo dhidi ya Kagera Sugar.

Viingilio vya mchezo wa kesho ni:

VIP A Tshs 20,000/=

VIP B & C Tshs 15,000/=

Orange Tshs 8,000/=

Blue & Green Tshs 5,000/=