MANCHESTER UNITED YAONGOZA TENA KWA TIMU YA MICHEZO YENYE THAMANI KUBWA ZAIDI DUNIANI

FLOYD  MONEY MYWEATHER ndiye mwanamichezo mwenye kipato cha juu kuliko wanamichezo wote. Top 50 ya wanamichezo wanaolipwa fedha nyingi duniani.

#1 Floyd Mayweather
Total earnings: $85 million

#2 Manny Pacquiao
Total earnings: $62 million

#3 Tiger Woods
Total earnings: $59.4 million

#4 LeBron James
Total earnings: $53 million

#5 Roger Federer
Total earnings: $52.7 million

#6 Kobe Bryant
Total earnings: $52.3 million

#7 Phil Mickelson
Total earnings: $47.8 million

#8 David Beckham
Total earnings: $46 million

#9 Cristiano Ronaldo
Total earnings: $42.5 million

#10 Peyton Manning
Total earnings: $42.4 million
*******************************************************
#11 Lionel Messi
Total earnings: $39 million

MANCHESTER UNITED YAONGOZA TENA KWA TIMU YA MICHEZO YENYE THAMANI KUBWA ZAIDI DUNIANI

 

Jarida maarufu la kimarekani la Forbes leo hii limetoa tena listi ya vilabu vya michezo yote vyenye thamani kubwa duniani, na kwa mara nyingine tena pamoja na kutochukua kombe lolote msimu uliopita na kutolewa mapema kwenye ligi ya mabingwa wa ulaya Manchester United imeendelea kushika usukani mwa vilabu tajiri duniani huku ikifuatiwa na Real Madrid. 

Timu nyingine za mchezo wa soka zilizopo kwenye Top 10 ni Barcelona wanaoshika nafasi ya nane, huku Arsenal ya England ambayo haijchukua kombe lolote kwa miaka inayokaribia kufikia nane ikishika nafasi ya 10, wakiwazidi mabingwa wapya wa Ulaya Chelsea wanaoshika nafasi ya 45 huku matajiri wa England Man City wakiwa hawapo hata kwenye Top 50. Timu nyingine za soka zilizopo kwenye listi hiyo ni Bayern Munich wanashika nafasi ya 11, AC Milan wanashika nafasi ya 27.

#1 Manchester United ($2.23 billion)

#2 Real Madrid ($1.88 billion)

#3 New York Yankees ($1.85 billion)

#3 Dallas Cowboys ($1.85 billion)

#5 Washington Redskins ($1.56 billion)

#6 Los Angeles Dodgers ($1.4 billion)

#6 New England Patriots ($1.4 billion)

#8 Barcelona ($1.31 billion)

#9 New York Giants ($1.3 billion)

#10 Arsenal ($1.29 billion)

RASHID MATUMLA AENDELEA KUPOKEA VIPIGO - ADUNDWA KWA TKO HUKO UJERUMANI

Bondia Benjamin Simon wa Ujerumani akipozi na Rashid Matumla 'Snake Man' wa Tanzania kabla ya pambano lao lililofanyika Jumamosi usiku. 

BONDIA gwiji nchini Tanzania, Rashid Matumla 'Snake Man' amepigwa kwa Technical Knock-out ya raundi ya nne dhidi ya bondia Benjamin Simon wa Ujerumani katika pambano lao la uzani wa Supermiddle lililokuwa kuwania mkanda wa IBF kwenye Ukumbi wa Universal, Ujerumani usiku wa kuamkia Jumapili.

Pambano hilo la raundi 12 lilikuwa ni la pili baina ya mabondia hao baada ya Matumla kupigwa kwa pointi katika pambano lao la awali lililofanyika Februari 6, 2010 Boxtempel, Ujerumani.

Refa wa ngumi Jean Piere (katikati) akimuinua mkono bondia Benjamin Simon kumtangaza mshindi wa pambano lake dhidi ya Rashid Matumla 'Snake Man' kwenye Ukumbi wa Universal, Ujerumani usiku wa kuamkia Jumapili.

Mratibu wa pambano hilo, Ali Bakari 'Champion' wa Champion Sports Promotions ya Buguruni jijini Dar es Salaam akishirikiana na African Camp Promotion ya Kenya chini ya mkurugenzi wake, Thomas Mutua, alisema kuwa Matumla atarejea leo kupitia Nairobi.
 
Matumla aliondoka nchini Julai 10 kwa kupitia Nairobi, Kenya kwa ajili ya pambano hilo la usiku wa Jumamosi Julai 14.

source:straikamkali.blogspot.com

DOMAYO NA SINGANO 'MESSI' WASHINDWA KUIEPUSHA NGONGORO HEROES NA KIPIGO CHA PILI KUTOKA KWA RWANDA

TIMU ya Taifa ya Vijana chini ya miaka 17, Ngorongoro Heroes, jana kwa mara ya pili ilishindwa kutamba mbele ya vijana wenzao wa Rwanda baada ya kukubali kipigo cha mabao 2-1 katika mchezo wa kirafiki wa kimataifa kwenye Uwanja wa Taifa, jijini Dar es Salaam.

Katika mchezo wao kwanza Jumamosi iliyopita kwenye Uwanja wa Chamazi nje kidogo ya jiji, Heroes pia ilichapwa mabao 2-0.

Timu ya Rwanda

Vijana hao wa Tanzania wanajiandaa kwa mchezo wa kuwania kufuzu kucheza fainali za Afrika kwa Vijana mwaka 2013 dhidi ya Nigeria baadaye mwezi huu.

Vijana wa Rwanda walikuwa wa kwanza kulifikia lango la Ngorongoro na kujipatia bao la kuongoza dakika ya pili kupitia kwa Nsimiyiman Imran aliyeunganisha wavuni pasi ya  Kabanda Boifil.

Heroes ikiwa na Frank Domayo, Omega Same, Saimon Msuva na Ramadhan Singano walitawala kwa kiasi kikubwa sehemu ya kiungo.

Ikicheza mbele ya mashabiki wachache waliojitokeza uwanjani, Heroes ilisawazisha bao hilo dakika ya 30 kwa mkwaju wa penalti uliosababishwa na Umwengeri Patrick kumchezea vibaya Singano.

Kiki hiyo ya penalti ilikwamishwa vizuri kwenye kamba na mchezaji Atepele Green na kuzifanya timu hizo kumaliza nusu ya kwanza zikitoshana nguvu ya bao 1-1.

Vijana wa Rwanda, kama ilivyokuwa kipindi cha kwanza kufunga bao la haraka, ndivyo walivyofanya kipindi cha pili ambapo iliwachukua dakika nane kufunga bao la pili.

Bao hilo lilifungwa na Nsimiyimana Imran aliyetumia vizuri fursa kuchelewa kujipanga kwa mabeki wa Heroes na kuujaza mpira wavuni akimalizia pasi ya Tibingana Charles.

Baada ya bao hilo, Rwanda walichukuwa utawala wa mchezo na kufanya mashambulizi jinsi walivyotaka kwenye lango la Heroes.

Wenyeji walizinduka katika dakika ya 71 baada ya kufanya shambulizi kubwa langoni mwa Rwanda lililoishia kwa shuti kali la Domayo kupanguliwa na mlinda mlango  Rafael Stevin.

Kocha Msaidizi wa Heroes, Adolph Richard alikiri kipigo hico, lakini akasema kimewapa mazoezi ya kutosha na kufanya marekebisho kabla ya mcehzo dhidi ya Nigeria. 

News courtesy of Mwananchi.co.tz

KALI YA LEO: MASHABIKI WA YANGA WAKIWAJELI SIMBA BAADA YA KUFUNGWA NA URA

DERRICK WALULYA AGEUKA LULU KWA MASHABIKI WA SIMBA

Baada ya jana kucheza kwa kiwango cha juu kwenye mchezo kati ya timu yake ya zamani na sasa, URA vs Simba, baadhi ya mashabiki wa Simba wamesema beki huyo aliondolewa Simba kimajungu na alikuwa hapangwi kwa sababu ya makocha kuangalia majina sio viwango.

PICHA YA SIKU: UJUMBE WA MASHABIKI WA SIMBA KWA KATIBU MKUU WA TFF

HARUNA NIYONZIMA: MASHABIKI MSIHOFU TUTALIBAKISHA KOMBE JANGWANI

KIUNGO wa kimataifa wa Yanga, Haruna Niyonzima ameondoa hofu mashabiki wa timu hiyo katika kutetea Ubingwa wao wanaoushikilia wa Kombe la Kagame walilolichukua 2011.

Yanga jana walianza vibaya kutetea ubingwa huo baada ya kufungwa na wapinzani wao Atletico mabao 2-0, mechi iliyochezwa kwenye Uwanja wa Taifa jijini Dar es Salaam.

Niyonzima alisema, bado wananafasi kubwa ya kulibakisha kombe hilo la Kagame kutokana na uimara wa kikosi chake, mashabiki wanachotakiwa ni kuendelea kuwasapoti ili mechi zinafuata washinde.

Kiungo huyo raia wa Rwanda alisema, anaamini Kocha wao  Mkuu, Tom Saintfiet ameyaona mapungufu atakayoyafanyia kabla ya mechi inayofuata dhidi ya Wau Salaam itakayochezwa Jumanne ijayo saa 10:00 jioni katika Uwanja wa Taifa.

Mrwanda huyo, kipigo walichokipata  dhidi ya Atletico ni cha bahati mbaya, badala yake watajipanga kwa kushinda kila mechi watakayokutana nayo ili wafanikishe malengo yao.

mwisho

TIKETI ZA ELETRONIKI: CRDB YASHINDA TENDA YA KUTENGENEZA TIKETI ZA KUINGILIA UWANJANI

 

Benki ya CRDB PLC imeibuka mshindi wa tenda ya kutengeneza tiketi za elektroniki za kuingilia uwanjani iliyotangazwa na Shirikisho la Mpira wa Miguu Tanzania (TFF).

Kampuni saba zilijitokeza katika hatua ya awali ya kuonesha nia (Expression of Interest) kwa ajili ya tenda hiyo ambapo Aprili 19 mwaka huu Kamati ya Mipango na Fedha ya TFF ambayo ndiyo Bodi ya Tenda ya shirikisho ilipitia maombi hayo na kupitisha nne kati ya hizo.

Baadaye kampuni hizo nne; CRDB Bank PLC, Prime Time Promotions, Punchlines (T) Limited na SKIDATA People Access Inc. zilitakiwa kuwasilisha rasmi tenda zao zikionesha jinsi zitakavyofanya shughuli hiyo pamoja na gharama ya utengenezaji kwa tiketi moja.

Bodi ya Tenda ya TFF ilikutana Julai 13 mwaka huu kwa ajili ya kupitia tenda hizo ambapo kampuni zote nne zilifanya uwasilishaji (presentation) wa jinsi zitakavyofanya shughuli hiyo, na baadaye kuipa kazi hiyo benki ya CRDB.

Uamuzi huo wa Bodi ya Tenda uliwasilishwa mbele ya Kamati ya Utendaji ya TFF. Kamati ya Utendaji ya TFF katika kikao chake kilichofanyika Julai 14 mwaka huu iliridhia uteuzi huo wa benki ya CRDB.

Baadhi ya vigezo ambavyo Bodi ya Tenda ya TFF iliangalia na kuipa CRDB tenda ni uwezo wa kufanya kazi hiyo (capacity), hadhi yake mbele ya jamii (credibility) katika shughuli inazofanya na teknolojia ya kisasa itakayotumika kutengeneza tiketi hizo.

Uamuzi wa TFF kutangaza tenda hizo ulilenga kuimarisha udhibiti wa mapato ya milangoni na kurahisisha mtiririko mzima wa washabiki kupata tiketi na kuingia viwanjani.

Rais wa TFF, Leodegar Tenga amesema: “Hatua hii ni muhimu sana, kwani tulikuwa tukiisubiri kwa muda mrefu. Si tu itaimarisha udhibiti wa mapato, bali pia itaondoa matatizo ya tiketi na kuendelea kujenga credibility (kuaminika) ya TFF. Mafanikio haya si kwa TFF pekee bali mpira wa miguu kwa ujumla.”

CRDB imeanza mara moja mchakato wa shughuli hiyo ambapo tiketi hizo zinatarajia kuanza kutumika rasmi katika kipindi cha kati ya miezi miwili na mitatu kuanzia sasa.

DANNY MRWANDA AWATOA HOFU MASHABIKI WA SIMBA!

Danny Mrwanda

KWA HALI NA MALI LENGO LANGU NI KUISAIDIA TIMU ISHINDE,KWANGU HALI YA HEWA ILIKUWA KIKWAZO,SAFARI BADO NDEFU MSIFE MOYO WANA SIMBA.MAZURI YAJA?

Sunday, July 15, 2012

YUSUPH MANJI NDIO BOSI MPYA WA YANGA - ASHINDA KWA ASILIMIA 97. SANGA MSAIDIZI WAKE.

Kwa mujibu wa tovuti ya klabu ya Yanga haya ndio matokeo kamili ya wagombea ni:

---

Nafasi ya Mwenyekiti:

Yusuf Manji (kura 1876)  97.0%,  John Jembele (kura 40) 2.6%, Edgar Chibura (kura 4) 0.24%

---

Nafasi ya Makamu Mwenyekiti:

Clement Sanga (kura 1948) 62.6%, Yono S Kevela (kura 475) 23%, Ayoub Nyenzi (kura 288) 14%

---

Nafasi ya Ujumbe: 

Abdallah Bin Kleb (kura 1942), Moses Katabaro (kura 1068), Aaron Nyanda (kura 922), Geroge Manyama (kura 682), Beda Tindwa (kura 391), Edgar Fongo (kura 295), Graticius Ishengoma (kura 247), Jumanne Mwamenywa (kura 251), Justine Baruti (610), Lameck Nyambaya (kura 425), Omary Ndula (kura 170), Peter Haule (441), Ramadhan Said (249), Yono Kivela (123)

---

kutokana na matokeo yalivyo hapo juu safu ya viongozi waliochaguliwa ni

Mwenyekiti: Yusuf Manji,

Makamu Mwenyekiti: Clement Sanga

Wajumbe: Abdallah Bin Kleb, Moses Katabaro, Aaaron Nyanda, Geroge Manyama

 

SAKATA LA USAJILI WA YONDANI: SIMBA YAIANDIKIA BARUA KALI TFF KWA SABABU YA KELVIN YONDAN

Simba Sports Club imesikitishwa na hatua ya Katibu Mkuu wa TFF kujichukulia mamlaka ya Kamati ya Katiba na Sheria na kuamua mustakabari wa suala la Kelvin Yondani kwa barua yenye kumb namba TFF/TECH/GC.12/62 ikijibu pingamizi la Simba Sports Club lililokuwa likitaka mgogoro huo uamuliwe na chombo husika.

Masikitiko hayo ya Simba Sports Club yanatokana na jinsi haki  na misingi bora ya uendeshaji wa mpira inavyoonekana kupindishwa waziwazi kwani Simba Sports Club imeshaandika barua nyingine mbili kwa Rais Tenga moja ya terehe 7/6/2012 yenye Kumb na SSC/5/6/02 ikilalamika juu ya uendeshwaji wa sakata zima la udanganyifu wa usajili wa mchezaji wa Simba Kelvin Yondani ambayo Rais alitoa maagizo kwa Katibu Mkuu na nakala kuja kwa Simba SC kwa barua pepe ya tarehe 8/6/2012 lakini baada ya kutofanyika utekelezaji wowote na badala yake watendaji wa TFF kuendelea kuongea katika vyombo vya habari wakisema mchezaji huyo ni mchezaji huru, Simba Sports Club iliandika barua nyingine kwa Rais Tenga juu ya kukosa imani na sekretarieti ya TFF  kwa barua ya tarehe 23/6/2012 yenye kumb na. SSC/24/6/02 jambo ambalo limeonekana wazi kwamba sekretarieti ya TFF haitendi haki kwa Simba kwa jinsi  ambavyo haikufanyia kazi barua mbili lakini Katibu Mkuu wa TFF amekuwa mwepesi wa kujibu pingamizi wakati si kazi yake ili mradi timu yake ya Yanga mabayo yeye ni mwanachama ifanikiwe jambo lake.

Katika barua ya pingamizi dhidi ya mchezaji Kelvin Yondani kutumiwa na klabu ya Yanga katika michezo ya kirafiki na ile ya CECAFA  ya tarehe 11/7/2012 yenye kumb namba SSC/1/7/02 Simba Sports Club iliomba suala la mchezaji huyo lipelekwe katika kikao cha kamati ya katiba na sheria ambayo muda wake wa kukaa bado kwani kamati hiyo inaweza kukaa baada ya wiki mbili za kufunga usajili na kupokea pingamizi mbalimbali lakini taarifa za uhakika ni kwamba kamati hiyo ilijaribu kuitishwa haraka haraka ili kulitolea suala hili uamuzi lakini corum haikutimia hivyo ikashindwa kutoa maamuzi lakini kwa ubabe Katibu Mkuu akaamua kujichukulia mamlaka yasiyokuwa yake na kumpa leseni ya Yanga Kelvin Yondani huku Simba ikipokea majibu tarehe 14/7/2012 kwa barua uwanja wa Taifa wakati mechi kati ya Yanga na Atletico imeshaanza na ipo dakika ya 18.

Katika barua yake ya kumuidhinisha Kelvin Yondani katibu mkuu kakiri kuwepo kwa mkataba wa Yondani na Simba unaoisha mei 31, 2012 na kakiri pia kupokea nyaraka ya makubaliano ya Simba SC na Kelvin Yondani lakini kwa sababu yeye si mwanasheria na ndio maana kazi hiyo ni ya kamati ya katiba na sheria amezitafsilia pande mbili za mkataba yaani Simba Sports Club na Kelvin Yondani nia yao wakati wanaingia mkataba kwamba mkataba utaanza tarehe 23 december 2012 na kuweka kiambatanisho cha sehemu ya kusaini ya Simba Sports Club ambayo kwa sababu za kibinadamu ilikosewa na inasomeka tarehe 23 december 2012.

Katibu Mkuu wa TFF ameshindwa/amejikataza kuusoma mkataba tangu mwanzo na kuona nia za pande za mkataba ni zipi kwani katika ukurasa wa kwanza mkataba unasoma kwamba umesainiwa tarehe 23/12/2011, pia mkataba unatambua uwepo wa mkataba wa pande hizo mbili unaoisha tarehe 31/5/2012 na pande husika katika mkataba zimeonyesha nia ya kuongeza mkataba mara tu ule wa awali unapoisha.

Katika kipengele cha kwanza mkataba umeshuhudia pande zikitamka waziwazi kwamba mkataba umeongezwa kuanzia (effective) tarehe 1/6/2012 mara tu mkataba wa awali unapoisha sasa inashangaza Katibu Mkuu anazitafsiria pande nia zao kwamba mkataba utaanza tarehe 23/12/2012 wakati mkataba umetamka waziwazi.

Pia sehemu aliposaini mchezaji Kelvin Yondani imeonyeshwa waziwazi kwamba kasaini tarehe 23/12/2011 hivyo kuacha hitimisho lisilo na shaka kwamba Katibu Mkuu wa TFF amekiuka na kujivika mamlaka yasiyo yake ili kutekeleza unazi wake wa Yanga.

Simba Sports Club inakusudia kuyakatia rufaa maamuzi haya ya Katibu Mkuu wa TFF na ipo  tayari kufuata mikondo yote ya sheria mpaka haki ipatikane kwani itatumia taasisi za TFF kwanza na isiporidhishwa na maamuzi itapeleka suala hili CAF mpaka FIFA na jambo la kushukuru ni kwamba Shirikisho la TFF limeanza kujibu barua za Simba SC suala ambalo linaanza kutoa mwanga wa nia ya kutotenda haki lakini barua hizo zitasaidia kuwaonyesha watu wa nje kama tukifika huko jinsi mpira wa Tanzania unavyoendeshwa kinazi na viongozi wa Shirikisho.

Imetolewa na
Simba Sports Club

VIELELEZO VYA SIMBA 

Kusoma vizuri double click

 

KIBONZO CHA LEO: SIMBA NA YANGA ZIKITOLEWA MAPEMA KAGAME ITAISHIA KATI KWA HALI HII

Mapato yaliyopatikana kwenye uwanja wa Chamazi Complex kwa mechi mbili za Kagame

Kama haya ndio mapato yaliyopatikana kwenye michezo iliyochezwa Chamazi,unategemea nini Kulwa na Doto (Yanga na Simba) wakiondolewa mapema? Gharama za malazi, chakula na usafiri zitatoka wapi wakati Sponsor mkuu wa mashindano ni MASHABIKI? TAFAKARI!

Breaking news! Abdallah Bin Kleb,Aaron Nyanda na Moses Katabalo washinda !

Taarifa nilizozipata hivi punde,wagombea watatu kwenye nafasi za ujumbe Abdallah Bin Kleb,Aaron Nyanda na Moses Katabalo wamechaguliwa kwa kishindo kuwa wajumbe kwenye uchaguzi mdogo wa wa Klabu ya Yanga uliofanyika hii leo.

Yusuf Manji na Clement Sanga so far so good!

Taarifa nilizozipata hivi punde kutoka ndani ya ukumbi wa Diamond Jubilee wagombea wawili kwenye uchaguzi wa Yanga bwana Yusuf Manji anayegombea nafasi ya uenyekiti pamoja na bwana Clement Sanga anayewania nafasi ya umakamu mwenyekiti wanaongoza kwa mbali.taarifa zaidi zitakuja!

BAADA YA KULWA(YANGA) KUPIGWA 2-0: DOTO(SIMBA) NAE LEO ANYOLEWA 2-0 NA URA

 Derrick Walulya mchezaji wa timu ya URA FC kutoka nchini Uganda ambaye aliwahi kuchezea timu ya Simba pia ya Tanzania akimiliki mpira mbele ya Felix Sunzu mshabuliaji wa timu ya Simba katika mchezo wa kuwania kombe la Kagame linaloandaliwa na Shirikisho la Vyama vya michezo Afrika Mashariki CECAFA unaochezwa kwenye uwanja wa Taifa jioni hii mpaka sasa mpira umekwisha na timu ya URA imeifunga timu ya Simba magoli 2-0. magoli hayo yamefungwa na mchezaji Feni Ali wa URA FC.

 Waamuzi wakiongoza timu kuingia uwanjani tayari kwa kuanza mchezo huo.

 

Wachezaji wa timu za Simba ya Tanzania na URA ya Uganda wakisalimiana kabla ya kuanza kwa mchezo huo kwenye uwanja wa Taifa jioni hii.

 Watangazaji wa kituo cha televisheni cha Supersport cha Afrika Kusini wakitoa tathmini ya mchezo huo kabla ya timu hizo kukutana ambapo inaonyesha kuwa Simba mara nyingi imekuwa ikifungwa na URA FC wakati timu hizo zinapokutana katika michuano mbalimbali.

Mashabiki wa timu ya Simba wakiwa wamefurika katika uwanja wa Taifa kujionea timu yao ikicheza na Waganda URA FC. (Picha kwa hisani ya fullshangwe.blogspot.com)

HAYA NDIO MAGARI MAPYA WALIYOPEWA SHINJI KAGAWA NA NICK POWEL BAADA YA KUJIUNGA RASMI NA UNITED

GOLI LA SIKU: DAVID BECKHAM AMUONYESHA STAUART PEARCE NINI ATAKIKOSA KWENYE OLYMPIC - AFUNGA GOLI LA UMBALI WA YARDS 35

MANCHESTER UNITED NDIO MABINGWA WA SERENGETI FIESTA BONANZA DSM

Ilao Ejakait Meneja wa Uendeshaji upande wa mauzo kampuni ya bia ya Serengeti akikabidhi zawadi kombe kapteni wa timu ya mashabiki wa klabu ya Manchester United ya Uingereza katika bonanza la Serengeti Fiesta Soccer Bonanza lililofanyika jana kwenye viwanja vya Sigara TCC Chang'ombe jijini Dar es salaam ,baada ya timu ya mashabiki hao kuwafunga mashabiki wa timu ya Bacelona na kuchukua kombe hilo Bonanza hilo lilishirikisha mashabiki wa vilabu mbalimbali vya Ulaya, katikati ni Allan Chonjo Meneja wa bia ya Serengeti Lager na kulia ni Bahati Singh Joseph Mahawi meneja Mauzo wa Serengeti

;

Kapten wa timu ya mashabiki wa Manchester United akinyanyua juu juu kombe lao mara baada ya timu ya mashabiki hao kuwafunga mashabiki wa timu ya Bacelona na kuchukua kombe hilo kulia ni Ilao Ejakait Meneja Uendeshaji na  mauzo  kampuni ya bia ya Serengeti Allan  Chonjo Meneja wa bia ya Serengeti Lager

Mashabiki wa Manchester United wakishangilia kwa nguvu baada ya kukabidhiwa kombe lao.

Meneja mauzo wa kampuni ya bia ya Serengeti Joseph Mahawi akikabidhi kombe la mshindi wa pili timu ya mashabiki wa Barcelona jana kwa kapten wa timu hiyo Michael Mashoto mara baada ya kuchukua nafasi ya pili katika bonanza la Serengeti Fiesta Soccer Bonanza kwenye viwanja vya TCC Chang'ombe kwa kufungwa na Manchester United

Mashabiki wa Manchester United wakishangilia baada ya kuingia fainali.

Mashabiki wa Machester United wakiimba kwa furaha

Warembbo wa Chelsea walikuwepo kuwakilisha

Wachezaji wa timu za mashabiki wa Manchester United na Barcelona wakichuana vikali katika mchezo wao wa fainali ambapo Manchester United ilishinda mchezo huo.

Mchuano mkali ukiendelea kwenye viwanja vya TCC Sigara.

Mambo ya mnyama na burudani ileile

Vinywaji vilikuwa vya kutosha kama vinavyoonekana katika picha

Mashabiki wa timu ya Chelsea wakishangilia mara baada ya kuingia nusu fainali.

Wadau kutoka kampuni ya bia ya Serengeti nao walikuwepo kuhakikisha kila kitu kiko sawa kutoka kulia ni Kaisi, Bahati Singh Meneja Matukio na Promosheni Queen Sendiga Afisa wa Promosheni Kanda ya Dar es salaam na Ilao Ejakait Meneja wa Uendeshaji upande wa mauzo

Mdau Heavy D. akiwa amekaa chini hoi huku jua likimpiga vibaya baada ya kukata tamaa kabisa kutokana na timu yake ya Arsenal kutolewa mapema katika bonanza hilo hapa anaonekana kama vile analalamikia kitu

Mashabiki wa Barcelona wakishangilia baada ya kuchukua ushindi wa pili katika bonanza hilo

PHOTO CREDITS: FULLSHANGWE BLOG

Saturday, July 14, 2012

PICHA YA SIKU: MARAFIKI WA ZAMANI MAADUI WA SASA - RIO, ASHLEY COLE NA TERRY

Best of friends??????

HATIMAYE DAVID HAYE AMKATA KILIMI CHISORA AMTANDIKA KWA KNOCK OUT

Mwanasumbwi David Haye akimuadhibu Chisora kwenye mpambano wao uliofanyika usiku wa kuamkia leo jijini London kwenye uwanja wa Upton Park..

Mabondia wawili raia wa Uingereza wamekuwa kwenye vita ya wenyewe kwa wenyewe tangu walipotwangana kwenye mkutano wa waandishi wa habari jijini Munich wakati Chisora alipokuwa akipigana na Klitschko, hivyo baada ya maneno maneno leo wakapnda ulingoni na kumaliza ubishi na mwisho wa siku Haye akaibuka mshindi kwa kumtwanga kwa knock out kwenye raundi ya tano.

Add caption

AMIR KHAN ADUNDWA NA DANNY GARCIA ALFAJIRI YA LEO

Amir Khan bondia wa Uingereza leo amepigwa kwa mara yakwanza kwenye historia ya career yake ya ngumi na Danny Garcia kwa kipigo kikali sana, akidondoshwa mara ya tatu kwenye raundi nne za kwanza na hatimaye refa akaamuru mchezo umalizike baada ya Muingereza huyo mwenye asili ya kidosi kudondoshwa kwa mara ya tatu.

Baada ya kuanza vizuri mpambano hatimaye Khan akaanza kupokea kipigo kutoka kwa Garcia.

Garcia akimtandika ngumi za kumwaga Amir kHAN