Watu 7 wafariki dunia na wengine 5 wajeruhiwa katika ajali Morogoro.

 Watu saba wamefariki dunia papo hapo na watano wamejeruhiwa katika ajali mbaya baada ya gari aina ya Toyota Noah ikiwa na abiria ikitokea Gairo kwenda mjini Morogoro kugongana uso kwa uso na lori katika eneo la ranch Dakawa barabara ya Morogoro Dodoma wilayani mvomero mkoani Morogoro.

Vilio na majonzi  vimetawala katika eneo  la ajali  wakati wananchi wakijaribu kuwatambua ndugu na jamaa zao waliofariki baada ya  miili yao ikiwa imepangwa chini  katika tukio hilo huku juhudi nyingine za wananchi wakishirikiana na jeshi la polisi wakijaribu kutoa mabaki ya gari  katikati ya barabara    ambapo  kamanda polisi mkoa wa morogoro faustine shilogile akizungumza katika eneo la tukio amesema chanzo cha  ajali hiyo ni mwendo kasi  wa dereva wa noah alikua kaijaribu kupita gari jingine bila tahadahari na kusababisha  ajali ya uso kwa uso.

Baadhi ya mashuhuda waliofika katika  tuki hilo  akiwemo mkuu wa wilaya ya mvomero antony mtaka na mwenyekiti wa kijiji cha ranchi ya wami dakawa  wamelalamikia matukio  mengi ya  ajali za mara kwa mara katika barabara hiyo na hivyo kuwakumbusha madereva kuchukua tahadhari  na kuomba mamlaka husika kuona umuhimu wa kuweka alama  za tahadhari pamoja na matuta katika eneo hilo.

Nae daktari bingwa wa upasuaji katika hospitali ya mkoa wa morogoro dr. Fransis samwene amethibitisha kupokea majeruhi  wa ajali hiyo na wawili bado hali zao ni mbaya.