WENGER KUMWAGA NOTI KWA AJILI YA WACHEZAJI HAWA

KOCHA Arsene Wenger yuko tayari kubomoa benki ya Arsenal kwa ajili ya kuvunja rekodi ya usajili wiki hii kwa kununua nyota watatu wa Ulaya.

Habari kwamba inafikiria kwa mapana kuwasajili nyota wa Real Madrid, Gonzalo Higuain, wa Borussia Dortmund, Ilkay Gundogan na wa Bayer Leverkusen, Lars Bender, zitakuwa faraja kubwa kwa mashabiki wa Arsenal baada ya miaka ya huzuni kwa kukosa mataji.

Uhamisho mkubwa: Arsenal inamtaka mshambuliaji wa Real Madrid, Gonzalo Higuain

Ofisa Mtendaji Mkuu wa Arsenal, Ivan Gazidis aliahidi kutoa fedha za kutosha wiki iliyopita kwa ajili ya usajili na Wenger anaamini anaweza kupanua timu yake hadi kuwa na uwezo wa kushindania mataji. 

Kocha huyo wa Arsenal anaamini kustaafu kwa Sir Alex Ferguson katika klabu ya Manchester United ni nafasi nzuri kwa klabu yake kurejea kwenye anga za mataji na anatarajia usajili wa Muargentina Higuain utakuwa wa gharama zaidi, Pauni Milioni 25.

Wenger anataka kuimarisha safu yake ya kiungo kwa kumsajili chaguo lake la kwanza Gundogan wa Borussia Dortmund aliyefunga bao la kusawazisha kwa penalti katika Fainali ya Ligi ya Mabingwa Ulaya dhidi ya Bayern Munich iliyoshinda 2-1 Uwanja wa Wembley, ambaye atamgharimu Pauni Milioni £20.

Lakini pia anaweza kuhamia kwa nyota wa Bayer Leverkusen anayeuzwa Pauni Milioni 17, Bender iwapo atamkosa Gundogan. Yeyote atakayesajiliwa kati ya hao, atavunja rekodi ya dau kubwa la usajili la Arsenal la Pauni milioni 15, zilizotumika kwa uhamisho wa Andrey Arshavin mwaka 2009.

Chaguo la kwanza la Wenger: Ilkay Gundogan wa Borussia Dortmund

Arsenal pia italazimika kusaka sentahafu mwingine baada ya kuwa tayari kumpiga bei Nahodha wake, Thomas Vermaelen.