GUARDIOLA: BAYERN HATUJAFANYA MAZOEZI YA KUPIGA PENATI, SIDHANI KAMA TUTAFIKA HATUA HIYO!!

+8

Kazi ndogo tu: Pep Guardiola, amesema timu yake haijajiandaa kupiga penati kesho

+8

Alipata maumivu?:  Kocha wa Bayern Munich alipokea maumivu ya kufungwa kwa mara ya kwanza bao 1-0 katika michezo 53 ya Bundesliga jumamosi dhidi ya Augsburg

................................................................

KOCHA wa Bayern Munich, Pep Guardiola amesisitiza kuwa klabu yake haijafanya mazoezi ya kupiga mikwaju ya penati kuelekea mchezo wa marudiano dhidi ya Manchester United.

Bayern wataingia uwanjani wakiwa na kumbukumbu ya kutoka sare ya bao 1-1 na Man Unted dimba la Old Trafford, na kama matokeo kama hayo yatatokea kesho Allianz Arena, basi mikwaju ya penati itatumika kuamua mshindi.

Akizungumza katika mkutano na waandishi wa habari kabla ya mchezo wa kesho, Gaurdiola amesema timu yake haijafanya maandalizi juu ya mazingira ya penati.

"Ni masuala ya mbinu tu na kujiamini. Yote yapo kichwani mwa wachezaji wangu". Alisema Gaurdiola.

Guardiola alisema Man Unted watacheza mpira wa kujihami na kushambulia kwa kushitukiza, lakini hadhani kama watafikia hatua ya penati.

 "Nadhani United watacheza zaidi nyuma. Watataka kucheza zaidi eneo lao na kujilinda". 

"Timu za England zinaweza sana kujilinda na kushambulia kwa kushitukiza".

"David Moyes atakuwa na wachezaji 8 mpaka 9 nyuma. Watakuwa wanasubiri tufanye makosa na watushambulie kwa kushitukiza".

"Ndio maana nasema lazima tuwe na nidhamu kubwa. Tunacheza nyumbani na ni faida kwetu. Tunalazimika kushambulia vizuri" . Alisema Guardiola.

Guardiola hana wasiwasi na Rooney ambaye anasumbuliwa na majeruhi kama ataweza kuamua matokeo ya Man United usiku wa kesho.

ROONEY KAMILI GADO KUWAVAA BAYERN, AWAPASHIA LEO ALLIANZ ARENA!!

Tabasamu: Wayne Rooney ameonekana mwenye furaha akiwa mazoezini na wachezaji wenzake

Tayari kwa kazi: Rooney akijifua kujiandaa kuwakabili Bayern kesho

Wayne Rooney amewapa matumaini makubwa Manchester United kuelekea katika mchezo wa pili wa robo fainali kesho usiku,  ligi ya mabingwa barani Ulaya dhidi ya Bayern Munich baada ya kufanya mazoezi leo hii katika dimba la  Allianz Arena.

Mwishoni mwa wiki iliyopita, Rooney alishindwa kuitumikia Man United ikishinda mabao 4-0 dhidi ya Newcastle kwasababu ya majeruhi ya mguu.

Katika mazoezi ya leo, Ryan Giggs alishiriki baada ya kuwakosa Newcastle, lakini Marouane Fellaini, aliyetolewa nje katika dimba la  St James' Park kufuatia kuumia, pamoja na  Rafael hawakushiriki.

Rooney ameonekana kutougulia maumivu katika mazoezi ya leo kwasababu alionesha juhudi kubwa.

Awali Kocha wa Man United, David Moyes alisema Rooney alikuwa hatarini kuukosa mchezo wa kesho baada ya kuumia katika mechi ya sare ya 1-1 Old Trafford wiki iliyopita, lakini kwasasa inaonekana kutoathirika tena.

Hata hivyo, nyota huyo mwenye miaka 28 atacheza mechi hiyo kubwa zaidi kwa United msimu huu akitumia dawa za kuua maumivu.

Na kocha wa Bayern  Pep Guardiola kwa upande wake hakuwa na wasiwasi kuwa Rooney ataikosa mechi ya kesho.

Alisema: 'Rooney anakwenda kucheza kwa asilimia 100. Atacheza, kama mtu anabisha naahidi kumpa zawadi kubwa endapo hatacheza"

Guardiola alimuelezea Rooney  kuwa ni mmoja kati ya wachezaji wakubwa aliowaona katika maisha yake ya soka.

Man United baada ya kuonesha kiwango kizuri katika mchezo wa kwanza, wanaonekana kuwa na imani ya kufanya kazi vizuri na kusonga mbele dhidi ya mabingwa hao watetezi.